ନେସନାଲ କବାଡି ଟୁର୍ଣ୍ଣାମେଣ୍ଟରେ ଭାଗ ନେଲା ଓଡ଼ିଶା ଦଳ

ଭୁବନେଶ୍ୱର : ତେଲେଙ୍ଗାନା ରାଜ୍ୟ ସ୍ଥିତ କାମା ରେଡ୍ଡୀ ଠାରେ ଆୟୋଜିତ ଅଣ୍ଡର ସେଭେଣ୍ଟିନ ବାଳକ ବିଭାଗ କବାଡି ଟୁର୍ଣ୍ଣାମେଣ୍ଟରେ ଭାଗ ନେଇଛି ଓଡ଼ିଶା ଦଳ। ଓଡ଼ିଶା ର ବିଭିନ୍ନ ବିଦ୍ୟାଳୟ ଓ କଲେଜ ରୁ ବଛା ବଛା ୧୨ ଜଣ ଖେଳାଳି ଏଥିରେ ଭାଗ ନେଇଥିବା ହେତୁ ରାଜ୍ୟ ପାଇଁ ଏହା ଗର୍ବର ବିଷୟ ବୋଲି କ୍ରୀଡା ପ୍ରେମୀ ମତ ପ୍ରକାଶ କରିଛନ୍ତି।

ସ୍କୁଲ ଗେମ୍ ଫେଡେରସନ୍ ଅଫ୍ ଇଣ୍ଡିଆ ଦ୍ଵାରା ପରିଚାଳିତ ଏହି ପ୍ରତିଯୋଗିତା ଆସନ୍ତା ସାତ ତାରିଖରୁ ୧୧ ତାରିଖ ପର୍ଯ୍ୟନ୍ତ ହେବ। ଟିମ୍ ସହିତ ସୁରଙ୍ଗି ଶ୍ରୀ ଶ୍ୟାମ ସୁନ୍ଦର ନୋଡାଲ ବିଦ୍ୟାପୀଠ ର କ୍ରୀଡା ଶିକ୍ଷକ ଶ୍ରୀକର କୁମାର ମାଝୀ କୋଚ ଭାବେ ଯାଇଥିବା ବେଳେ ମେନେଜର ଭାବେ ଫୁଲବଣୀ ସରକାରୀ ହାଇସ୍କୁଲ ବାଲେଶ୍ଵର ର କ୍ରୀଡା ଶିକ୍ଷକ ତାରାପଦ ସେଠୀ ସାମିଲ ଅଛନ୍ତି।

ପୁରୀ ଜିଲ୍ଲା ସ୍କୁଲ ଠାରେ ତିନି ଦିନ ଅଭ୍ୟାସ କେମ୍ପ ସାରି ଗୁରୁବାର ସନ୍ଧ୍ୟା ରୁ ଏହି ଖେଳାଳି ମାନଙ୍କୁ କବାଡି ପ୍ରେମୀ ମାନେ ବିଦାୟ ଦେଇଛନ୍ତି।