ସୋସାଇଟି ପ୍ରିମିୟର୍ ଲିଗ୍ ଉଦ୍ଘାଟିତ : ଟ୍ରାଇଡେଣ୍ଟ୍ ଗାଲାକ୍ସିଆନ୍, ଆରିଆନା ଷ୍ଟ୍ରାଇକର୍ସର ଯୁଗଳ ବିଜୟ
ଭୁବନେଶ୍ବର : ଷ୍ଟ୍ରଙ୍ଗର ଟୁଗେଦର ଚାରିଟେବଲ୍ ଟ୍ରଷ୍ଟ ଆନୁକୂଲ୍ୟରେ ସୋସାଇଟି ପ୍ରମିୟର୍ ଲିଗ୍ (ଏସ୍ପିଏଲ୍)ର ପଞ୍ଚମ ସଂସ୍କରଣ ସେଞ୍ଚୁରିଅନ୍ ବିଶ୍ବବିଦ୍ୟାଳୟ ପରିସରରେ ଆରମ୍ଭ ହୋଇଛି। ଏଥିରେ ବଡ଼ବଡ଼ ହାଉସିଂ ସୋସାଇଟି ଟ୍ରାଇଡେଣ୍ଟ ଗାଲାକ୍ସି, ଟାଟା ଏରିନା, ଭିପୁଲ ଗାର୍ଡେନ୍ସ, ଆଲିସାନ ଇନ୍ଫିନିଆ, କସ୍ମୋପୋଲିସ, ଫାଲକନ୍ କ୍ରେଷ୍ଟ, ରୟାଲ ଲଗୁନ ଓ ତାମାରିଣ୍ଡ ଟେରାସେସ୍ର ଦଳ ଭାଗନେଇଛନ୍ତି।
ଲିଗ୍ ପର୍ଯ୍ୟାୟରେ ଖେଳାଯାଉଥିବା ଏହି ପ୍ରତିଯୋଗିତାରେ ଟ୍ରାଇଡେଣ୍ଟ୍ ଗାଲାକ୍ସିଆନ୍ ଓ ଆରିଆନା ଷ୍ଟ୍ରାଇକର୍ସ ଦୁଇଟି ଲେଖାଏଁ ମ୍ୟାଚ୍ ଜିତି ପଏଣ୍ଟ୍ ଟେବୁଲର ଶୀର୍ଷ ଦୁଇ ସ୍ଥାନରେ ରହିଛନ୍ତି। ଏହି ୮ ଦଳୀୟ ପ୍ରତିଯୋଗିତାର ଶ୍ରେଷ୍ଠ ୪ ଦଳ କ୍ବାଲିଫାୟର୍ସ ଓ ଏଲିମିନିଟେର ରାଉଣ୍ଡରେ ପହଞ୍ଚିବେ। ଡିସେମ୍ବର ୨୨ରେ ଫାଇନାଲ୍ ମ୍ୟାଚ୍ ଖେଳାଯିବ।
ଉଦ୍ଘାଟନୀ ଉତ୍ସବରେ ଅତିଥି ଭାବେ କ୍ରୀଡ଼ାମନ୍ତ୍ରୀ ସୂର୍ଯ୍ୟବଂଶୀ ସୂରଜ, ସେସେଞ୍ଚୁରିଅନ୍ ବିଶ୍ବବିଦ୍ୟାଳୟର କୁଳପତି ସୁପ୍ରିୟା ପଟ୍ଟନାୟକ, କ୍ରୀଡ଼ା ନିର୍ଦେଶକ ରବିନାରାୟଣ ରାଉତ, ମୋତୱାନୀ କନ୍ଷ୍ଟ୍ରକ୍ସନ ପରିଚାଳନା ନିର୍ଦେଶକ ପଙ୍କଜ ମୋତୱାନୀ ପ୍ରମୁଖ ଅତିଥି ଭାବେ ଉପସ୍ଥିତ ଥିଲେ।