ରୌପ୍ୟ ପଦକ ଟେନିସ୍ ବଲ୍ କ୍ରିକେଟ୍ ଦଳକୁ ସ୍ବାଗତ
ଭୁବନେଶ୍ୱର : ନିକଟରେ ଜମ୍ମୁ କଶ୍ମୀରରେ ଆୟୋଜିତ ୩୫ତମ ଜାତୀୟ ଟେନିସ୍ ବଲ୍ କ୍ରିକେଟ୍ ପ୍ରତିଯୋଗିତାରେ ଓଡ଼ିଶା ଦଳ ଉପବିଜେତା ସହ ରୌପ୍ୟ ପଦକ ହାସଲ କରିଥିଲା । ଦଳ ଫାଇନାଲରେ ଉତ୍ତର ପ୍ରଦେଶ ଠାରୁ ୧୫ ରନ୍ ରେ ପରାସ୍ତ ହୋଇ ଉପବିଜେତା ସହ ରୌପ୍ୟ ପଦକ ପାଇଛି । ଏହି ରୌପ୍ୟ ପଦକ ବିଜେତା ଦଳର ସଦସ୍ୟମାନେ ସୋମବାର ଭୁବନେଶ୍ଵରରେ ପହଞ୍ଚିବା ପରେ ସେମାନଙ୍କୁ ଭବ୍ୟ ସ୍ଵାଗତ କରାଯାଇଛି।
ଭୁବନେଶ୍ୱର ରେଳଷ୍ଟେସନ୍ ଠାରେ ସେମାନଙ୍କୁ କନ୍ଧମାଳର ସାସଂଦ ସୁକାନ୍ତ ପାଣିଗ୍ରାହୀ, ସଂଘର ପରାମର୍ଶ ଦାତା ପ୍ରିୟଦର୍ଶୀ ମିଶ୍ର, ସଭାପତି ସୂରଜ ମିଶ୍ର, ସମ୍ପାଦକ ଶିଥୁଲ ପଣ୍ଡା, କୋଷାଧ୍ୟକ୍ଷ ଅଶୋକ ଦାସ, ଯୁଗ୍ମ ସହ ସମ୍ପାଦକ ସେମନାଥ ପରିଡ଼ା, ଭୁବନେଶ୍ୱର ସମ୍ପାଦକ ପଙ୍କଜ ଦାସ, ଓଡ଼ିଶା ଟେନିସ୍ ବଲ୍ କ୍ରିକେଟ୍ ମୁଖ୍ୟ କୋଚ୍ ଚକ୍ରଧର ମାଝୀ ଏବଂ ସଂଘର ଅନ୍ୟାନ୍ୟ କର୍ମକର୍ତ୍ତା ପୁଷ୍ପଗୁଚ୍ଛ ପ୍ରଦାନ ପୂର୍ବକ ସମ୍ବନ୍ଧିତ କରିବା ସହ ଆଗାମୀ ଦିନରେ ଖେଳାଳିମାନଙ୍କ ସଫଳତା କାମନା କରିଛନ୍ତି।