ମାଇଁ ସିଟି ଲିଙ୍କ୍ସର ଫ୍ରିଡମ୍ ଫେଷ୍ଟ୍ ସିଜନ ୬
ଭୁବନେଶ୍ୱର: ମାଇଁ ସିଟି ଲିଙ୍କ୍ସ ପକ୍ଷରୁ ସହରର ଯୁବପିଢିଙ୍କ ମଧ୍ୟରେ ସ୍ୱାଧୀନତା ଓ ସ୍ୱତନ୍ତ୍ରତାର ଉତ୍ସାହକୁ ପାଳନ କରିବା ପାଇଁ ଲକ୍ଷ୍ୟନେଇ ବାର୍ଷିକ କାର୍ଯ୍ୟକ୍ରମ ଫ୍ରିଡମ୍ ଫେଷ୍ଟ୍ର ୬ଷ୍ଠ ସଂସ୍କରଣ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମ ଗତ ସେପ୍ଟେମ୍ବର ୯ ତାରିଖ ଦିନ ଭୁବନେଶ୍ୱରର ୟୁନିଟ୍-୧ସ୍ଥିତ କସ୍ତୁରବା ନାରୀ ମହଲରେ ଆୟୋଜିତ ହୋଇଯାଇଛି ।
ଏହି କାର୍ଯ୍ୟକ୍ରମରେ ଏମ୍ଡି ସଫିଉଲ୍ ହକ୍ (ବାବୁ ଭାଇ)- ନୃତ୍ୟଶିଳ୍ପୀ, ସୋନମ୍ ଦାସ-ଗାୟିକା, ଶୁଭଙ୍କର ମିଶ୍ର-ଗାୟକ ଓ ସତ୍ୟବ୍ରତ ସାନୁ ରଥ- ପ୍ରିଲ୍ୟୁଡ୍ ନଭେଲ୍ ଭେଂଚର୍ସର ପ୍ରତିଷ୍ଠାତାଙ୍କ ଭଳି ବିଶିଷ୍ଟ ବ୍ୟକ୍ତିମାନେ ଯୋଗ ଦେଇଥିଲେ ।
ଏହାର ଆରମ୍ଭ ପରଠାରୁ ଫ୍ରିଡମ୍ ଫେଷ୍ଟ୍ ଯୁବ-କୈନ୍ଦ୍ରିକ ରହିଆସିଛି ଯାହା ସହରର ବିଦ୍ୟାଳୟ ଛାତ୍ରଛାତ୍ରୀଙ୍କୁ ନିଜର ଅତୁଳନୀୟ ପ୍ରତିଭାର ପ୍ରଦର୍ଶନ କରିବା ପାଇଁ ସ୍ୱାଗତ କରିଛି ।
ଫ୍ରିଡମ୍ ଫେଷ୍ଟ ସିଜନ ୬ର ମୂଳ ଉଦ୍ଦେଶ୍ୟ ହେଉଛି ପ୍ରତ୍ୟେକ ଛାତ୍ରଛାତ୍ରୀଙ୍କ ଅଣଉନ୍ମୋଚିତ କ୍ଷମତାକୁ ସ୍ୱୀକୃତି ପ୍ରଦାନ କରିବା ଓ ସେଲିବ୍ରେଟ୍ କରିବା । ଆମେ ଦୃଢତାର ସହ ବିଶ୍ୱାସ କରୁ ଯେ, ପ୍ରତ୍ୟେକ ଛାତ୍ରଛାତ୍ରୀଙ୍କ ନିକଟରେ ଥିବା ସ୍ୱତନ୍ତ୍ର ପ୍ରତିଭା ଲୋକଲୋଚନକୁ ଆସିବା ଉଚିତ । ତେଣୁ ଆମେ କ୍ୟାଟାଗୋରୀ ୧ରେ ୬ଷ୍ଠ ଶ୍ରେଣୀରୁ ୧୦ମ ଶ୍ରେଣୀ ପର୍ଯ୍ୟନ୍ତ ସମସ୍ତ ଛାତ୍ରଛାତ୍ରୀଙ୍କ ପାଇଁ ପ୍ରବେଶ ଖୋଲା ରଖିଥିଲୁ । ଚଳିତ ବର୍ଷର କାର୍ଯ୍ୟକ୍ରମରେ ଏକାଧିକ ପ୍ରତିଯୋଗିତା ରହିଥିଲା ।
ମୁଖ୍ୟ ପ୍ରତିଯୋଗିତାରେ ସଙ୍ଗୀତ ଓ ନୃତ୍ୟ ପ୍ରଦର୍ଶନ ସାମିଲ ରହିଥିଲା । ବିଦ୍ୟାଳୟ ଅଂଶଗ୍ରହଣକୁ ବହୁମାତ୍ରାରେ ପ୍ରୋତ୍ସାହିତ କରାଯାଇଛି ଏବଂ ଛାତ୍ରଛାତ୍ରୀମାନଙ୍କ ନିକଟରେ ପ୍ରତିଷ୍ଠିତ ବିଚାରପତିଙ୍କର ଏକ ପ୍ୟାନେଲ ନିକଟରେ ଲାଇଭ୍ ପ୍ରଦର୍ଶନ କରିବାର ସୁଯୋଗ ରହିଥିଲା । ସେହିପରି ସ୍ୱାଧୀନ ଭାବେ ଅଂଶଗ୍ରହଣ କରିଥିବା ଅଟିଷ୍ଟିକ୍ ଛାତ୍ରଛାତ୍ରୀଙ୍କ ପାଇଁ ସ୍ୱତନ୍ତ୍ର ସ୍ୱୀକୃତିର ଘୋଷଣା କରାଯାଇଥିଲା । ଏହି ଛାତ୍ରଛାତ୍ରୀଙ୍କୁ ସେମାନଙ୍କର ଦକ୍ଷତା ଓ ମାର୍କ ଆଧାରରେ ବିଚାରପତିଙ୍କ ଦ୍ୱାରା ସମ୍ମାନିତ କରାଯାଇଛି ।