ସହୀଦନଗର ହାଇସ୍କୁଲର ଛାତ୍ର ପ୍ରିୟ ଶିକ୍ଷକ ଡ଼ ଲଷ୍ମୀକାନ୍ତ ଖୁଣ୍ଟିଆଙ୍କ ଅବସର କାଳୀନ ସଭା ଅନୁଷ୍ଠିତ

ଭୁବନେଶ୍ୱର : ଆଜି ସହିଦନଗର ସରକାରୀ ଉଚ୍ଚ ବିଦ୍ୟାଳୟର ସମସ୍ତଙ୍କର ପ୍ରିୟ ଶିକ୍ଷକ ଡ଼ ଲଷ୍ମୀକାନ୍ତ ଖୁଣ୍ଟିଆ ସାରଙ୍କ ଅବସର କାଳୀନ ସଭା ଅନୁଷ୍ଠିତ ହୋଇ ଯାଇଛି । ସାରଙ୍କର ପ୍ରାୟ ୩୨ବର୍ଷ ୬ମାସର କାର୍ଯ୍ୟକାଳ ଆଜି ଶେଷ ହୋଇ ଥିଲା । ଏହି କାର୍ଯ୍ୟକ୍ରମରେ ମୋ ସ୍କୁଲ ସଭାପତି ଡ଼ ନାରାୟଣ ମହାପାତ୍ର, ସୀତାକାନ୍ତ ମହାପାତ୍ର, ଶ୍ରୀନିବାସ ରାଓ ପ୍ରମୁଖ ସାରଙ୍କୁ ମହାପ୍ରଭୁ ଶ୍ରୀଜଗନ୍ନାଥଙ୍କ ମନ୍ଦିର ପତାକା ଓ ଉତ୍ତରୀୟ ଦେଇ ସମ୍ବର୍ଦ୍ଧିତ କରିଥିଲେ । ଏହି ଅବସରରେ ଶ୍ରୀ ନିରଞ୍ଜନ ପଣ୍ଡା ପୂର୍ବତନ ପ୍ରଧାନଶିକ୍ଷକ ସ୍କୁଲର ପ୍ରଧାନ ଶିକ୍ଷୟିତ୍ରୀ ସୁପ୍ରଭା ଦାସ, ଅନ୍ୟ ଗୁରୁ ମା ଓ ସ୍କୁଲର ପିଲାମାନେ ଉପସ୍ଥିତ ଥିଲେ ।

ଏହି ସଭାରେ ସାରଙ୍କ ପ୍ରାୟ ୨୦୦ ପୁରାତନ ଛାତ୍ର ଓ ଛାତ୍ରୀ ଯୋଗ ଦେଇଥିଲେ । ସେମାନେ ମିଳିତ ଭାବେ ସାରଙ୍କୁ ସମ୍ବର୍ଦ୍ଧିତ କରିଥିଲେ । ସମସ୍ତଙ୍କ ସହିତ ସାର ଓ ଅନ୍ୟ ଗୁରୁ ମା ମାନଙ୍କର ପୁରୁଣା ସ୍ମୃତି ଆଲୋଚନା ହୋଇଥିଲା, ସମସ୍ତେ ସାରଙ୍କ ଛାତ୍ର ମାନଙ୍କୁ ଭଲ ପାଇବା ଓ ପଢ଼ାଇଥିବା ପାଠ ବିଷୟରେ ଆଲୋଚନା କରି ଉଚ୍ଚ ପ୍ରଶଂସା କରିଥିଲେ । ଏହି ଅବସରରେ ସାରଙ୍କ ଲିଖିତ ବହି ସମସ୍ତଙ୍କ ଉପସ୍ଥିତିରେ ଉନ୍ମୋଚିତ କରାଯାଇଥିଲା